26ديسمبر

جدول الامتحانات

السلام عليكم 

طبعاً الدنيا شتا والجو بررررررررررررررررد شديد 

بس دا ميمنعش اننا هنمتحن يعني

وعن جدول امتحانات كلية العلوم جامعة المنوفية فدا جدول يتألف فيه كتب

ليه .. اقولك ليه

احنا شغالين بنظام الساعات معتمدة و الحوارات ديه

فطبيعي ممكن واحد يسجل مواد غير التاني و كدا

فعلى ما بيعدوا يظبتوا الجدول فدا حوار اصلاً 

وللأسف الجدول بينزل قبل الامتحانات ب 3 اسابيع بس

والناس تبدأ تقدم تعارضات لانهم عندهم مادتين في معاد واحد 

ودا طبيعي لاننا لسه شغالين بالموارد البشرية فأكيد فيه مادتين 3 هيصقطوا من الناس اللي بتعمل الجدول

بس مش توصل لانهم يضغطوا الجدول بدل ما كنا هنتمحن من 5-1 لـ 27 -1 

بقى من 22 -1 بس 

كنت في الأول همتحن 8 مواد في 5

دلوقتي في 4 ايام بس مش زي البني آدمين كل مادتين في يوم لا

دا جدولي

و عجبي

ملحوظة : دا جدولي لحد انهردا الله اعلم ممكن مثلا اروح الخميس الاقيني همتحن ال8 مواد في 3 ايام عادي

 

تحديث : 

 

الجدول اتغير 

31-12-2008

5ديسمبر

X2ME

السلام عليكم 

يشرفني دعوت كل زوار و متابعين مدونتي إلى مدونتي التقنية الجديدة 

التي سوف تتناول أمور عدة متعلقة بالأجهزة الصغيرة بالأخص الأجهزة الخلوية

خطو جديدة نحو المستقبل .. دعواتكم 🙂

 

1نوفمبر

Ubuntu 8.10 ………. Start Again

السلام عليكم

بقالي فترة طويلة اوي مش بستخدم اللينكس ودا لاسباب كتيرة منها ان هارد اللاب بتاعي صغير

وكمان ان الجهاز اللي عندي في البيت بيعمل اخطاء كتير اوي مع ال

ubuntu 8.04

و مش بيدخل اصلا المهم  من فترة قريبه اللاب بتاعي باااااااااااااظ ::((

و بعدها نزلت

ubuntu 8.10

وانا كلي امل انها تشتغل على جهاز البيت لاني عندي كيسه مش مستعملة

عاوزه شاشه و تشتغل و الحمد لله نزلت و يارب تكون بداية جديده عشان ارجع تاني

وطبعاً و زي اي توزيعه قبلها بلف في دواير عشان اعرف التأثيرات المرئية بالإضافة لمشكلة

المره ديه كمان … ان كارت الشاشة بلت ان في الماذر بورد يعني بالسلامه يا قلبي

على تعريفه على اللينكس بس اما لسه بحاول اهه

وربنا يعينني ……….. دعواتكم

29أكتوبر

خبر عجيب !!!!!!!!!!!

مقتل 52 بقرة

قتلت 52 بقرة في منطقة “فالديز شيكو” في الأوروغواي، وقد تبين للخبير الذي قام بفحص هذه الأبقار بأنها قتلت نتيجة برق ضرب سياج الأسلاك حيث كانت تقف البقرات. وهذه الحادثة ليست الأولى ففي أوغندا قتلت 53 بقرة نتيجة الصواعق. من الجدير بالذكر أن معدل عدد الصواعق التي تضرب الأرض حوالي 100 مرة في الثانية، أو 8.6 مرة في اليوم.

قرأت هذا الخبر على مدونة كركور وإليكم لينك المصدر :

http://www.karkoor.com/news/200810291531.html

28أكتوبر

رحلة إلى مستشفى الطلبة

السلام عليكم

من زمان متكلمتش في الموضوع دا .. لأني مكنتش بحتك بحاجات زي كدا كتير

كنت انهردا عند واحد صحبي الصبح في الأرضي المقدسه -شبين الكوم – و بعدين رحنا سوا

مستشفى الطلبه لانه سنانه كانت واجعاه

أكمل القراءة »

24أكتوبر

كان الجو بهيلا !!!!!!!!!!!!

السلام عليكم

انهردا الجمعه يوم جميل جداً بدأ عادي زي اي يوم

وبعد الصلاة حسيت بتغير قلت بس .. الدينا هتمطر انهردا وقلت في نفسي يارب تمطر

و بعد شوية الجو قلب و تراب و الدنيا هاجت

والسما قلبت 170 درجة -عادي يعني زي 360 كدا – و التراب ملا الجو

وشوية بدأت تمطر …

تمطر …

تمطر …

كفاية بأه أنا وايا مشوار بعد العصر ولام اروحه

!!!!!!!!!!!!!!!!!!!!!!!!!!!!!!

وطبعاً عبدالرحمن و مريم كانوا فرحانين بالموضوع كله.. ورعد و برق و حاجات جديده

ينهار ابيض .. المطر مش راضي يقف

ايوة طيعاً الحمد لله انها مطرت وخير و كدا بس انا ورايا مشوار مهم بحضرلة طول الأسبوع

وقبل العصر بشوية لاحت الشمس في الأفق بس ملحتش اوي يعني ظهرت على خفيف

و خرجت للمشوار والحمد لله انقضى

الجو قلب طبعاً برد

ربنا يستر

🙂

يا ترا الدنيا مطرت عندكم كدا برده ؟!!

آه نسيت التدوينة ديه اهداء لحد عارف نفسه كان ناوي يكتبها بس انا كتبها بأه

😀

23أكتوبر

مطحنة الحياة

وسط مطحنة الحياة

هتلاقي ناس واقفه بتحقق احلامها

وناس بتشتم في النظام و الدنيا

وناس بتدور على جواز و مش لاقيه

وناس يتدور على حد تحبه و مش لاقيه

وناس حبيت ولا طالت

وناس طالت ولا حبيت

وناس مش فارق معاها العيشه ولا الناس

وناس مش بتفكر غير في قوت يومها

وناس بتحلم انها تحقق احلامها

وناس ماتت قبل ما تحقق احلامها

وناس باعت احلامها عشان ناس تانية

و ناس … و ناس .. وناس .. وناس

انت فين من الناس ديه

© Copyright 2014, All Rights Reserved