7ayaty

1يناير

أهلاً 2009 – 1430

السلام عليكم 

 

انقضى العام

ووقف الأمراء و العوام

وتستمر الحياة 

 

2008 – 1429

وداعاُ بكل ما قد حملاه من حزن و فرح 

و ندعو الله ان تكون 

1430-2009

سنوات خير و بر و اطمئنان

 

 

26ديسمبر

جدول الامتحانات

السلام عليكم 

طبعاً الدنيا شتا والجو بررررررررررررررررد شديد 

بس دا ميمنعش اننا هنمتحن يعني

وعن جدول امتحانات كلية العلوم جامعة المنوفية فدا جدول يتألف فيه كتب

ليه .. اقولك ليه

احنا شغالين بنظام الساعات معتمدة و الحوارات ديه

فطبيعي ممكن واحد يسجل مواد غير التاني و كدا

فعلى ما بيعدوا يظبتوا الجدول فدا حوار اصلاً 

وللأسف الجدول بينزل قبل الامتحانات ب 3 اسابيع بس

والناس تبدأ تقدم تعارضات لانهم عندهم مادتين في معاد واحد 

ودا طبيعي لاننا لسه شغالين بالموارد البشرية فأكيد فيه مادتين 3 هيصقطوا من الناس اللي بتعمل الجدول

بس مش توصل لانهم يضغطوا الجدول بدل ما كنا هنتمحن من 5-1 لـ 27 -1 

بقى من 22 -1 بس 

كنت في الأول همتحن 8 مواد في 5

دلوقتي في 4 ايام بس مش زي البني آدمين كل مادتين في يوم لا

دا جدولي

و عجبي

ملحوظة : دا جدولي لحد انهردا الله اعلم ممكن مثلا اروح الخميس الاقيني همتحن ال8 مواد في 3 ايام عادي

 

تحديث : 

 

الجدول اتغير 

31-12-2008

24أكتوبر

كان الجو بهيلا !!!!!!!!!!!!

السلام عليكم

انهردا الجمعه يوم جميل جداً بدأ عادي زي اي يوم

وبعد الصلاة حسيت بتغير قلت بس .. الدينا هتمطر انهردا وقلت في نفسي يارب تمطر

و بعد شوية الجو قلب و تراب و الدنيا هاجت

والسما قلبت 170 درجة -عادي يعني زي 360 كدا – و التراب ملا الجو

وشوية بدأت تمطر …

تمطر …

تمطر …

كفاية بأه أنا وايا مشوار بعد العصر ولام اروحه

!!!!!!!!!!!!!!!!!!!!!!!!!!!!!!

وطبعاً عبدالرحمن و مريم كانوا فرحانين بالموضوع كله.. ورعد و برق و حاجات جديده

ينهار ابيض .. المطر مش راضي يقف

ايوة طيعاً الحمد لله انها مطرت وخير و كدا بس انا ورايا مشوار مهم بحضرلة طول الأسبوع

وقبل العصر بشوية لاحت الشمس في الأفق بس ملحتش اوي يعني ظهرت على خفيف

و خرجت للمشوار والحمد لله انقضى

الجو قلب طبعاً برد

ربنا يستر

🙂

يا ترا الدنيا مطرت عندكم كدا برده ؟!!

آه نسيت التدوينة ديه اهداء لحد عارف نفسه كان ناوي يكتبها بس انا كتبها بأه

😀

23أكتوبر

مطحنة الحياة

وسط مطحنة الحياة

هتلاقي ناس واقفه بتحقق احلامها

وناس بتشتم في النظام و الدنيا

وناس بتدور على جواز و مش لاقيه

وناس يتدور على حد تحبه و مش لاقيه

وناس حبيت ولا طالت

وناس طالت ولا حبيت

وناس مش فارق معاها العيشه ولا الناس

وناس مش بتفكر غير في قوت يومها

وناس بتحلم انها تحقق احلامها

وناس ماتت قبل ما تحقق احلامها

وناس باعت احلامها عشان ناس تانية

و ناس … و ناس .. وناس .. وناس

انت فين من الناس ديه

11سبتمبر

رمضان كريم

السلام عليكم

بداية رمضان كريم 🙂

صحيح بقالي فترة مش بكتب شوية ظروف و كدا عادي يعني

طبعً اعتذر لجميع متابعي مدونتي على هذا العطل الغير فني

المهم

رمضان كريم

يلا عاوزين نشحذ الهمم عشان رمضان

وإن شاء الله تابعوني سوف تجدون كل جديد

© Copyright 2014, All Rights Reserved