7مارس

Back

تعب طويل .. بعد يوم اطول ..

أول مرة في حياتي اعد كدا من 9 الصبح لحد 2 بالليل عشان اعمل حاجه

ودا كان توابع اصلا لأن يوم الشغل دا بدأم من امبارح

———————————————————————

امبارح :

عاوز افرمت واظبط بأه

خيبه امل كبيرة لأني كنت خلاص ظبط نفسي اني هشتغل لينكس

وبقالي فترة شغال والجافا تماااااااااااااااااااام

ظهرت مشكلة اني مش عارف اشغل محاكيات للموبيل أجرب عليها  و بعدين الدنيا ديه مش متظبطه في اللينكس

المهم اعدت ادور ونزلت شوية برامج وبجرب والوضع معجبنيش

عملت ايه !!!!

قمت  قلت خلاص انا هنزل نسخه وندوز 64 بت واصطبها واستقر على وندوز الكام شهر الجايين دول

وبعدين ابقى ارجع اشتغل لنكس و اركز في اندرويد – نظام تشغيل موبيل هتكلم عنه  – لانه عجبني

ممممم مصيبه صغيرة

وانا بقسم كنت بقطع جزء من السي وبعمل برتشن جديد

مصيييييييييييبه

البارتشن الأخير اتفرمت ؟؟!!

طبعاً ظهرت عليا علامات الغباء المتفلطح

لييييييييييييييييييييييييييييييييييييييييييييييييييييييييييييييييييه

وانا من جوايا بغلي المهم ما علينا بقلب

لقيت مصيبه اكبر شوية

ال 1200 صورة بتوع معسكر اسيوط ضاعوووووووووووووووووووووووووووووووووا

هههههههههههههههههههههههههههههههههههههههههههه

انا انتحر احسن ههههههههههههههههههه

المهم قلت هفرمت والأمر لله وانا بتناقش مع القاضي رفيق المشروع

قالي لا لا استنى جرب برامج الاسترجاع

اداني امل صراحه

قلت مبدهاش 🙂

المهم سبت الجهاز بيعمل دونلود لاسطوانة الوندوز ال 64

و سبت اللاب شغال بيعل ريكوفر للصبح

صحيت الساعه 9 صليت و ظرفت الفطار في السريع 🙂

المهم ظبط الدنيا و خلاص قسمت و نزلت النسخه ال 64

وكان من المتوقع جدا ان التعريفات متشتغلش وان ال

Backup

بتاعت ال نسخه ال 32 برده متشتغلش

المهم محملتش هم وقلت ادور يمين شمال

طلع انه العالم بتوع توشيبا بيقولا اننا بنفضل وندوز فيستا … ياعم ارحمني بأه وهو انا هلاقيها منين ولا منين

المهم قعدت ادور

ادور ادور ادور

ادور ادور ادور

ادور ادور ادور

ادور ادور ادور

ادور ادور ادور

لحد ما خلاص الحمد لله ظبطت كل التعريفات ما عدا اني اشغل

الوظايف بتاعت الزراير على الكيبورد

واللي هي اصلا اساس شغلي على الجهاز لاني معرفش اشتغل على الاب واضائة الشاشة عالية لان عنيا مش بقت تستحمل

المهم حليتها بإني وطيت الإضائة من اعدادات الشاشة ومعرفتش اشغل الزراير

؟؟!!تخيلوا كل دا على ندوز

مكمن اعمل كدا على اللينكس لكن وندوز ؟؟؟؟

المهم وبعدين جيت اصطب الجافا و المحاكيات

طلعت لي مصيبه كبيرة عشان موضوع ال 64 بت دا

تقريبا بعد كل التعب دا هضطر افك نسخه الجوست ال 32 اللي عندي والأمر لله وانسى اليوم الشاق دا 🙁

:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(

عامة خير

دا كان يوم الجمعة لحد يوم السبت الساعه 2 صباحاً

———————————————————————

أما عني ففي الفترة الأخيرة حصل مجموعة تغيرات كبيرة

ظبط منصه العمل و هضيفها على المدونة إن شاء الله

وكمان استقرينا على فكرة مشروع التخرج اللي انا مش حاببها

في الفترة الأخيرة تعمقت شوية في اللنكس وكنت شغال على

lINUX MINT 6 64-BIT

نسخه أكتر من رائعة و كانت مريحاني جدا ومن الجدير بالذكر اني عرفت احط عليها المحاكي بتاع ال

Android

ودا طبعا نظام التشغيل الشهير من جوجل

أكيد هيكون فيه تدوينة عنة

أما عن جديد المدونة فبفكر اضيف ليها إضافات جديده

زي مجموعة مشاريع بلغة الحافا

في البسيط خالص يعني

وكمان اضيف

To Do List

لاني محتاجها جداً

شكراً

🙂

يحي

شارك التدوينة !

عن Mr.Xprt

7 تعليقات

  1. مع اني مش فاهمه حاجه من اللي بتقوله دا بس معلش تعيش وتاخد غيرها…

    ومنتظرين جديد المدونه بردو اللي مش هكون فاهمه منه حاجه بس مش مشكله منتظرينه وخلاص…

    واتمني لك التوفيق…

  2. السلام عليكم

    أنا أول مرة أزور البلوج ده تقريبا .. و بصراحة عجبني جدا اسلوب الكلام و كمان عجبني انك شغال جافا و لينوكس … زيي يعني 😀

    بالنسبة للداتا اللي ضاعت … الحمد لله على كل حال .. كويس انها جت في بارتشن واحد ..أنا بوظت الـ
    Partition table
    قبل كده و ضيعت الداتا بتاعتي كلها بسبب جهلي لطريقة ارجعه بيها

    و بالنسبة لمشكلة الوندوز 64 مع الجافا … من غير ما توضح .. أعتقد انها نفس مشكلتي … وهي ان الـ
    Javac
    مش شغال حتى لو اتنططت قدامه!!

    على العموم ان شاء الله كله خير

    بالتوفيق 🙂

    سلام

  3. أهلا بيك .. وفعلاً زيارتك ليا

    دا شئ يخليني سعيد جدا .. ياريت تكرر زيارتك

    تحياتي

  4. بسم الله الرحمن الرحيم
    انا عجبني الموقع ده في اسلوبة وفكرتة .. بجد جميل وربنا يوفقكم وتكبرووه

    انا لي تعليق صغير بالنسبة للي انت قلته

    اولا جميل انك تشتغل لينكس وجميل برده انك تشتغل ويندوز لكل واحد مميزات وعيوب .. الافضل علي الاطلاق من ناحية انك تعمل جهازك سيرفر او هتشتغل web Appl. كتير طبعا هيكون يونكس و لينكس

    لكن اذا كنت هتشتغل علي برامج تطبيقية او هتصممها الافضل طيعا ان يكون جهازك علي نظام ويندوز

    وانا شايف ان الاختيار اتاني هو المناسب ليك حاليا .. وعلي حسب اللي اعرفهم كل مبرمجين application بيشتغلو علي نظام ويندوز ودا بيديلهم امكانيات وحرية اكبر بكتير من لينكس في التصميم

    بالنسبة لنظام 64bit علي حسب كلامك انا حاسس انك مش عارف يعني ايه 64bit system
    انا مش هشرح هي ايه ميزته عن النظام العادي لكن عموما النظام دا موجود من زمان وطبعا محتاج لامكانيات معينة علشان يشتغل عليها تكون بتدعمه
    طبعا اجهزة الانتل كلها لا تدعمه الا مؤخرا بعد نرول بروسسيسر LG .. وبالرغم من كده برده مبتدعمهوش كامل .. معني كده انه مش هيديلك كفائة في الشغل لو انت ستبطه بالعكس ممكن يسببلك مشاكل

    طبعا الاجهزة اللي بتدعمه دعم كامل هلي اجهزة ال AMD من اول الجيل X3 ودي اجهزة غالية ومعتقدش ان الجهاز عندك منها
    وطبعا افضل جهاز بيدعمها هو intel extreme والجهاز دا أغلي جهاز في العالم “مش عاوز اخضك بتمنه ” المهم ..
    اي جهاز تاني حتي لو كان مكتوب عليه انه بيدعمه فدا مش دعم كلي
    غير ان النظام دا محتاج رامات وكارت شاشة عالي الجوده والا ممكن يسببلك مشكلات كتير

    الخلاصة ان افضل شيء تشتغل بيه هو الويندوز + 23bit لو كنت هتشتغل في الابليكاشن او لو كنت هتشتغل في الويب ممكن تستخدم لينكس

    ابعد عن انظمة 64 حاليا لانها محتاجة امكانيات وخبرة عالية علشان تقدر تستفيد منها

    شكرا ليك ..

  5. تعليق بسيط اخر
    لو احببت تشتغل علي لينكس فعلا فدور علي نظام من الاتنين دول
    Red Hat Enterprise Linux
    او
    CentOS 4
    وانا افضل النظام التاني لان الانظمة دي من اللينيكس هي اكفأ انظمة تقدر تتعامل معاها في الويب ابليكيشن

    وزي ما قلتلك لو هدفك مش ويب ابليكيشن يبقي الافضل انك تستخدم ويندوز

    نسيت حاجة تانية .. فيه معالج انتل برده بيدعم نظام 64 اقدم من اللي انا قلتهولك قبل كده وارخص اسمة
    Itanium
    سعره يتراوح بين 350 دولار وحتى 5500 دولار حسب سرعته وحجم ذاكرة كاش التي فيه

    شكرا ليك

  6. @ Mr.Xprt:
    شكرا على ترحيبك 🙂

    @Shinichi_Kudo:
    ماشاء الله .. باين عليك فاهم كويس في الهاردوير 🙂

    بس أنا عندي تعليق على ردك التاني
    أعتقد لما واحد يبقى شغال بـ
    Linux Mint
    و عايز تخليه يشتغل على نظام ريدهات أو سينتوس … ده مش هيبقى سهل بالنسبة له

    هوا انت معاك حق في ان النظامين دول من أحسن أنظمة اللينوكس … و أنا جربت الاتنين بنفسي و بالإصدارين … 4 و 5 … مع العلم ان نزل بعد كده 5.1 و 5.2

    بس انا بقول بدال التوزيعتين دول … ممكن تستخدم توزيعة فيدورا
    “Fedora”
    و دي توزيعة مبنية على توزيعة ريدهات … و ميزتها ان التعامل معاها أسهل بكتير من ريدهات و سنتوس … و أنا لغاية من شهر كده كنت شغال بيها …
    فنصيحة بقى .. لو حبيت تستبها … نزل النسخة الأخيرة … فيدورا 10 عشان اللي قبلها كان فيهم مشاكل صغيرة ممكن تدايقك

    أو ممكن تستبUbuntu
    نسخة كويسة برضه 🙂 … انا جربتها بس مارتحتش عليها … مشكلة تعود بس يعني
    🙂

    شكرا …

    سلام

  7. جميل النقاش دا

    وشكرا ليكم على التوضيح

    انا فعلا جهازي بيشتغل ال 64 Bit

    بس كانت المشكلة بس في التعريفات للجهاز بس انا اقلعت عن الفكرة نهائيا 🙂

    أما عن التوزيعات فأنا جربت أكتر من حاجه منهم ال

    suse 10 11 11.1
    وكمان ال Ubuntu 7.04 7.10 8.04 8.10
    و Fedora

    وفي الآخر استقريت على Linux Mint 6
    وخدت بالمقولة اللي بتقول

    لو زهقت استخدم منت 😀

    على الأقل في الوقت الحالي لحد ما أخلص المشروع تباعي:)

اضف رد

لن يتم نشر البريد الإلكتروني . الحقول المطلوبة مشار لها بـ *

*

© Copyright 2014, All Rights Reserved