Archive for December, 2008
حصريا التلخيص الكامل لمادة معادن العملي و النظري
Dec 28th
السلام عليكم
اعتدت في السنتين الآخرى دول اني بقيت اعمل تلاخيص للمواد لاني مش بحب المذاكرة من الكتاب الجامعي
اللي اكيد ناس كتيرة اوي بتولع فيه قبل ما يمتحنوا في المادة ودا لأن الكتاب مصنوع من مواد سريعة الأشتعال
فأصبح الكتاب بيستخدم في أغراض التدفئة
الكتب بصورة عامة مش بتعجبني اد كدا عشان شكلها فبعملها إعادة ترتيب و تنظيم وتلخيص
وبكتبها تاني بالكمبيوتر و بطبعها و بذاكر منها ولكن جرت العادة ان الناس بقت تشوف التلخيص معايا فتحتاج تصورة
او كدا … فبدأ عهد التلاخيص بتاعتي
وبقينا مقسمين المواد انا بلخص مواد الحاسب و بقيت المجموعة تشرح رياضة او تشارك في شرح مواد الحاسب
بس المرادي جت برا مواد الحاسب
ومن اجمل النوادر ان التلخيص دا كلفني تقريبا في حدود 10 ساعات متواصلة
وكان في يوم الجمعة اللي فات
جدول الامتحانات
Dec 26th
السلام عليكم
طبعاً الدنيا شتا والجو بررررررررررررررررد شديد
بس دا ميمنعش اننا هنمتحن يعني
وعن جدول امتحانات كلية العلوم جامعة المنوفية فدا جدول يتألف فيه كتب
ليه .. اقولك ليه
احنا شغالين بنظام الساعات معتمدة و الحوارات ديه
فطبيعي ممكن واحد يسجل مواد غير التاني و كدا
فعلى ما بيعدوا يظبتوا الجدول فدا حوار اصلاً
وللأسف الجدول بينزل قبل الامتحانات ب 3 اسابيع بس
والناس تبدأ تقدم تعارضات لانهم عندهم مادتين في معاد واحد
ودا طبيعي لاننا لسه شغالين بالموارد البشرية فأكيد فيه مادتين 3 هيصقطوا من الناس اللي بتعمل الجدول
بس مش توصل لانهم يضغطوا الجدول بدل ما كنا هنتمحن من 5-1 لـ 27 -1
بقى من 22 -1 بس
كنت في الأول همتحن 8 مواد في 5
دلوقتي في 4 ايام بس مش زي البني آدمين كل مادتين في يوم لا
دا جدولي
و عجبي
ملحوظة : دا جدولي لحد انهردا الله اعلم ممكن مثلا اروح الخميس الاقيني همتحن ال8 مواد في 3 ايام عادي
تحديث :
الجدول اتغير
31-12-2008
X2ME
Dec 5th
السلام عليكم
يشرفني دعوت كل زوار و متابعين مدونتي إلى مدونتي التقنية الجديدة
التي سوف تتناول أمور عدة متعلقة بالأجهزة الصغيرة بالأخص الأجهزة الخلوية
خطو جديدة نحو المستقبل .. دعواتكم
