24أكتوبر

كان الجو بهيلا !!!!!!!!!!!!

السلام عليكم

انهردا الجمعه يوم جميل جداً بدأ عادي زي اي يوم

وبعد الصلاة حسيت بتغير قلت بس .. الدينا هتمطر انهردا وقلت في نفسي يارب تمطر

و بعد شوية الجو قلب و تراب و الدنيا هاجت

والسما قلبت 170 درجة -عادي يعني زي 360 كدا – و التراب ملا الجو

وشوية بدأت تمطر …

تمطر …

تمطر …

كفاية بأه أنا وايا مشوار بعد العصر ولام اروحه

!!!!!!!!!!!!!!!!!!!!!!!!!!!!!!

وطبعاً عبدالرحمن و مريم كانوا فرحانين بالموضوع كله.. ورعد و برق و حاجات جديده

ينهار ابيض .. المطر مش راضي يقف

ايوة طيعاً الحمد لله انها مطرت وخير و كدا بس انا ورايا مشوار مهم بحضرلة طول الأسبوع

وقبل العصر بشوية لاحت الشمس في الأفق بس ملحتش اوي يعني ظهرت على خفيف

و خرجت للمشوار والحمد لله انقضى

الجو قلب طبعاً برد

ربنا يستر

🙂

يا ترا الدنيا مطرت عندكم كدا برده ؟!!

آه نسيت التدوينة ديه اهداء لحد عارف نفسه كان ناوي يكتبها بس انا كتبها بأه

😀

شارك التدوينة !

عن Mr.Xprt

7 تعليقات

  1. ماشي …دا اللي عارف نفسه بقى …وبعدين ماتفرقش ما انا وانت واحد برده

    عموما برده الصور اتاخدت بموبايلي …يعني لازم تعترف اني كنت عامل مساعد في كتابة التدوينة

    بس كنت عايزه اسال سؤال :

    بهيلا دي في صفحة كام في المعجم ….يا أستاذ سيبويه

    مع خالص تحياتي

  2. بص بأه يا سيدي 🙂

    هتلاقي في المعجم في الجلده الأخيره تعريفها من مصدر بهلل

    ولو اي حد محتاج اي حاجه في العربي انا ممكن اظبته فيه عادي يعني
    اهه الواحد بيزكي عن صحته و عفيته

  3. ربنا يبارك فى مريم وعبد الرحمن وشكرا LG

  4. طبعا عبدالرحمن و مريم دول متزوجين مش كده

  5. عزيز حازم ربنا يبارك فيك و بردك لينا إن شاء الله

    عزيز the spy
    شكلنا هنتعب مع بعض … الأستاذ دبلوم زراعه ولا إيه

    ههههههههههههههههههههههههههههههههههههه

  6. طيب يا عم الحاج اكسبرت
    ياريت بس ماتكونش نسيت تردد دعاء المطر عشان أنا كنت ماشى والمطر خدته كله على راسى وانا كان ورايا مشوار أهم من اللى انت كنت رايحة… وانت عارف

    وعلى العموم انا بحثت في المعجم اللى عندى مالقيتش الكلمة , لذا كان عليك التنبية بأن الكلمة المرادة موجوده في المعجم الموجود لديك فقط

    وهذا للإيضاح فقط

  7. أل المشوار المهم اللي انت كنت رايحه ده كان فين .. المفروض نعرف بردو ؟؟ ولا ايه ؟؟
    أنا مش غلسه ولا حاجه .. ده مجرد سؤال بريئ ..

اضف رد

لن يتم نشر البريد الإلكتروني . الحقول المطلوبة مشار لها بـ *

*

© Copyright 2014, All Rights Reserved