28أكتوبر

رحلة إلى مستشفى الطلبة

السلام عليكم

من زمان متكلمتش في الموضوع دا .. لأني مكنتش بحتك بحاجات زي كدا كتير

كنت انهردا عند واحد صحبي الصبح في الأرضي المقدسه -شبين الكوم – و بعدين رحنا سوا

مستشفى الطلبه لانه سنانه كانت واجعاه

رحنا و طبعاً المعهود اننا نروح بالكارنية بتاع السنادي أو وصل المصاريف بتاع السنادي برده

وعادي نكشف لكن وإذا باللوايح بتتغير – ودا وارد جداً –  و نتصدم عند الموظف المسؤول

بص يا سيدي احنا محتاجين :

1- الكارنية باعك

2- جواب من الكلية انك هتكشف

3- البطاقه الصحية

طيب البطاقة الصحية ماشي لكن ايه موضوع جواب من الكلية انك عيان و الحوارات ديه

وطبعاً صديقي العزيز محب المشاكل زي كا بقوله ديماً

بدأ يزهق وقال هاتولي المدير 😀

نزل للمدير على انه هيتخانق ههههههه

بنهزر طبعاُ لان لو لينا حق هناخده بالذوق من عين المدير 🙂

المهم قابلنا المدير وقال انه لازم كدا وممكن اعملكم استثناء عشان موضوع جواب الكليه دا

تمام زي الفل الحمد لله قررت أكشف انا كمان و اعمل بطاقه صحية و اتكلف دا تمن رمزي 5 جينة

وطبعاً مش هقول على اللي حصل لما  رحنا عيادة الأسنان لقينا الدكاترة بيفطروا طيب دا عادي

اللي اتعودنا عليه لكن انهم يقولو ” شوية انسانسة يا جماعة هنشرب الشاي بس” فدا اكيد حاجه تخنق

لكن نظرا لاني مش بحب المشاكل قلتله بقولك ايه مش ناقص وش

كفاية المحاضرة اللي ضيعتها عليا استناهم شوية مش هتفرق

المهم خلصنا هناك وانا نازل حبيت آخد شوية لقطات بس معرفتش لان المكان كان على طول

فيه ناس و كمان لو حد شافني بصور ممكن برد فعل لا ارادي

يزعق وياخد الموبيل وانت بتعمل ايه ومش عارف ايه والأمن و كدا

وربنا يحعل كلامنا خفيف عليهم

دا ضهر المستشفى

————— بلا تعليق —————

و خلصت الرحله و طبعاً لازم اقول اني كشفت نظر و كان فيه حاجه جوا عنيا بتوجعني طول الاسبوعين

اللي فاتوا قلت اجرب المتشفى الطلبه يمكن ..  واهه جابت نتيجه و ادوني مضاد حيوي كمان 🙂

خلصت الرحلة ومشينا من المستشفى و بنجعي ربنا الوضع يتحسن على 2130 عشان

ولاد ولاد ولاد ولادنا يكونوا بيتعالجوا  كويس

🙁

تحياتي

شارك التدوينة !

عن Mr.Xprt

3 تعليقات

  1. عمار يا مصر 😀

  2. عمار يا مصر …. عمار يا اسكندرية … عمار يا قليوبية .عمار .. عمار

    ربنا يخليلنا عمار والله دا ولد كويس

    🙂

  3. هههههههههههههههههههههه

    اللي جابلك يخليلك

اضف رد

لن يتم نشر البريد الإلكتروني . الحقول المطلوبة مشار لها بـ *

*

© Copyright 2014, All Rights Reserved