15أغسطس

تنميه بشرية

السلام عليكم

بالرغم إني منقطع  شويه عن حياتي الطبيعيه

إلا ان لموضوع دا عمل عندي جو جديد فبدت اقرا في حاجات غريبه 😀

المهم يعني من فترة اشتريت الكتابين دول

وبدأت اقرأ فيهم ولاول مرة احس اني استفدت من الحاجات ديه

دا لاني يمكن قريتها وانا صغير شويتين أو لاني مكنتش محطوط في الفعل

عامه الكتابين أكثر من ممتازين

لكن ديما عشان تحقق أكتر استفاده لازم تطبق عملي

ومن الحاجات اللي استفدتها من كتاب كيفيه التحكم في الذات

انا كنت اعرف من زمان ان الابتسامه ليها مفعول السحر في التواصل مع الناس لكن مكنتش اعرف ان لها تأثير السحر و الشعوذة و كل حاجه

لما تستخدمها مع نفسيتك .. إزاي … :-؟  ……. اقولك

يعني مثلاً كان عندي الطبيعي من فترة قريبه إني مصدع بصورة مستمرة و طبعاً الدكاترة ولا فاهمين

إيه السبب المهم يعني انا كنت عارف ايه علاجي بس حوارات بأه و كدا

وبعد ما قريت الكتاب لقيت فيه جزء بيتكلم في الموضوع دا هو انا العقل الباطن ملوش القدرة على تحديد

الحاله النفسيه للإنسان بس هو عنده القدرة على تغيريها فبمجرد الابتسام انت بتبعت رسايل إيجابيه للعقل الباطن

واللي بدورة  بيعكس حاله السعاده على الجسم كله و الصداع يروح

… الحمد لله قدرت اتخلص من صديقي اللدود الصداع

آه آه كنا اصحاب لمده 3 اسابيع على الأقل و بصورة مستمرة لكن الحمد لله

عامه انا بفكر في عمل ملخص للكتاب يمكن تلاقوه قريب إن شاء الله

ختماً

أحب اشكر كل حد بيدخل المدونه عشان انا آخر مره دخلتها من فترة طويله كان الزوار 400 و دلوقتي بقو اكتر

واهدي باقه حب لعزيز  أبو الفـــداء

على فكرة الصورة الجميلة

تحياتي للجميع

Mr.Xprt

شارك التدوينة !

عن Mr.Xprt

7 تعليقات

  1. دكتور ابراهيم عبقرى ماشاء الله نا بحب احضرله واسمعه من زمان لكن مش بشتريله كتب

    لكن النقطة اىل انت حكتها صح تماما وبتفرق جدا وجربتها بردو
    لما بكون متنرفزة مثلا او مخنوقة من حد وبغلى م الاخر وضحكنى مثلا بحس انى مبقتش مضايقة وانسى كل حاجة لدرجة انى مبقتش احب حد يضحكنى وانا مضايقه لما اكون غاوية رخامه يعنى ههههههههه

  2. الدكتور ابراهيم فعلا اسلوبه جميل جدا , والتنميه البشريه علم جميل بحب اقرء فيه , وحاليا بقرء كتاب بعنوان
    “البرمجه اللغويه العصبيه وفن الاتصال اللامحدود” من مؤلفات الدكتور , كتاب ممتاز وجميل
    شكرا علي التدوينه الجميله

  3. مشكورين على المرور

    اوعتذر عن التاخر وذلك لاني مش بعد على النت اصلا
    الدكتور ابراهيم الفي ممتاز جداً ومش عارف ليه حظي وحش معاه كل ما
    يكون فيه مجال اني اروح أحضرله بيحصل حاجه 🙂

  4. أنت زعلان علشان الصداع سابك :((

    قول انت يارب … وهو يرجع تانى

    الصداع برضه عشرى ومش هتهون عليه العشرة

    😉 😉 😉

    وخليك فاكر :

    كن مبتسم دائماً 😀

  5. 🙂

    الله يكرمك

  6. الراجل ده بيحسسنى ان مفيش عنده مشاكل خالص وان كل انسان يقدر يبقى زيه بمجرد ابتسامه يبعتها للعقل بس اللى ميعرفوش ان فى اوقات العقل بيفرض الابتسامه دى لان الفكر بيكون مسيطر عليه

  7. فعلا الدكتور ابراهيم الفقي من الشخصيات القليله في المجتمع
    اللي بتدي الواحد
    شوية أمل

    أشكر لكي مرورك العطر 🙂

اضف رد

لن يتم نشر البريد الإلكتروني . الحقول المطلوبة مشار لها بـ *

*

© Copyright 2014, All Rights Reserved